काठमाण्डौमा चार महिनापछि हटाइयो निषेधाज्ञा,तर यस्ता नियम भने पालना गर्नु पर्ने ? (आदेश सहित)


चार महिनापछि निषेधाज्ञा हटाइएको छ । ताप्लेजुङमा जिल्लास्थित सङ्कट व्यवस्थापन समितिको मङ्गलबार बसेको बैठकमा प्रमुख जिल्ला अधिकारी उमेश पाण्डेले जिल्लामा सङ्क्रमणको अवस्था सामान्य बन्दै गएकाले आजदेखि निषेधाज्ञा हटाएको हो । जिल्लामा सक्रिय कोरोना सङ्क्रमितको सङ्ख्या दुई सयभन्दा कममा झरेको र दैनिक सङ्क्रमित हुने दरमा पनि कमी आउन थालेकाले तत्कालका लागि निषेधाज्ञाको समय थप गरिरहनु नपर्ने निष्कर्षमा आफू पुगेको बैठकमा प्रजिअ पाण्डेले सुनाउनुभयो ।

जिल्ला कोरोना सङ्कट तथा व्यवस्थापन समितिका संयोजकसमेत रहनुभएका प्रजिअ पाण्डेले बुधबारदेखि लागू हुनेगरी निषेधाज्ञा हटाए पनि स्वास्थ्य सुरक्षाका मापदण्डलाई अनिवार्य पालना गर्नुपर्ने बताउनुभयो । उहाँले मास्क र स्यानिटाइजरको प्रयोग तथा भौतिक दूरी कायम गर्नेजस्ता स्वास्थ्य सुरक्षा मापदण्डको पालना सबै नागरिकले अनिवार्य गर्नुपर्ने बताउनुभयो ।

उहाँका अनुसार मास्क नलगाएको र भौतिक दूरी कायम नगरिएको पाइएमा प्रारम्भिक रुपमा प्रतिव्यक्ति रु एक सय जरिवाना हुने जानकारी दिनुभयो । बाँकी स्वास्थ्य सुरक्षा मापदण्ड उल्लङ्घन गरेमा सङ्क्रामक रोग निवारण ऐनअनुसार का’ र बाही हुने पनि सम्बन्धित सबै पक्षलाई सचेत गराउनुभयो ।

यो पनि, ब्यासनगरपालिकाको सहयोग तथा नेपाल पत्रकार महासङ्घ जिल्ला शाखा तनहुँको समन्वयमा जिल्लाका पत्रकारको आरोग्य बीमा गरिएको छ । जिल्लामा रही सक्रिय रुपमा काम गर्दै आएका ६७ पत्रकारको सगरमाथा इन्सुरेन्स बीमा कम्पनी दमौलीबाट बीमा गरिएको हो ।

ब्यासनगरपालिकाले एक पत्रकारलाई रु एक हजार पाँच सय ५० का दरले रु एक लाख तीन हजार आठ सय ५० प्रिमियम भुक्तानी गरिदिएको नेपाल पत्रकार महासङ्घ तनहुँ शाखाका अध्यक्ष उज्ज्वल पौडेलले जानकारी दिनुभयो । बाँकी अपुग रकम करिब रु तीन हजार दुई सय महासङ्घ तनहुँले व्यवस्थापन गरेको छ । उहाँका अनुसार कूल रु ६ करोड तीन लाख बराबरको बीमा गरिएको छ । एक जना पत्रकारको रु नौ लाखका दरले बीमा गरिएको उहाँले जानकारी दिनुभयो । उहाँका अनुसार रु सात लाख दुर्घटना बीमा र रु दुई लाख स्वास्थ्य उपचारसम्बन्धी बीमा गरिएको छ ।

जिल्लाका पत्रकारको क्षमता वृद्धि तथा लोक कल्याणकारी विज्ञापन लगायतका क्षेत्रमा ब्यासनगरपालिकाले योगदान गर्दै आएको नेपाल पत्रकार महासङ्घ केन्द्रीय सदस्य एवं जिल्लाका पूर्वअध्यक्ष प्रदीप काफ्लेले बताउनुभयो । रिपोर्टिङको सिलसिलामा पत्रकारहरु हिँडीराख्नुपर्ने भएकाले जोखिम बहनका लागि नगरपालिकाले बीमामा सहयोग गरेको ब्यासनगरपालिकाका नगरप्रमुख बैकुण्ठ न्यौपानेले बताउनुभयो ।

नगरपालिकाले गत वर्ष रु एक लाखको कोरोना बीमासमेत गरिदिएको थियो । उक्त बीमा पोलिसी मङ्गलबार नगरप्रमुख न्यौपानेले पत्रकारलाई प्रदान गर्नुभएको थियो । किसानलाई अनुदानमा कृषि औजर जिल्लाको भिमाद नगरपालिकाले किसानलाई मङ्गलबार ६३ थान कृषि औजर ५० प्रतिशत अनुदानमा वितरण गरेको छ । कृषि उत्पादनमा वृद्धि गराउने उद्देश्यले किसानलाई प्रोत्साहन गर्न सुपथ मूल्यमा औजार प्रदान गरिएको भिमाद नगरपालिकाका प्रमुख मेखबहादुर थापाले बताउनुभयो ।

औजारका माध्यमबाट किसानले छोटो अवधिमा धेरै काम गर्न सक्ने र उत्पादनमा समेत वृद्धि गर्न सहयोग पुग्ने हुनाले औजार प्रदान गरिएको उहाँले बताउनुभयो । “रोजगारीको सिलसिलामा युवाहरु विदेश पलायन हुँदा गाउँघरमा वृद्धवृद्धा मात्रै रहँदा खेतबारी बाँझो हुन गएकाले थोरै जनशक्तिले पनि खेतबारी बाँझो नहुने भएकाले औजार वितरण गरिएको हो,” उहाँले भन्नभुयो । नगरपालिकाले ५० प्रतिशत अनुदानमा नौवटै वडाका किसानलाई हातेट्र्याक्टर, कम्बाइन मिल, ब्रस कटर, थ्रेसरलगायत कृषि औजार वितरण गरेको हो । नगरभित्रका फर्म दर्ता भएका कृषक, समूह लगायतलाई सो औजार वितरण गरिएको हो । त्यसैगरी नगरपालिकाले किसानलाई ५३ वटा कृषि यन्त्रहरु वितरण गरिएको नगरपालिकाका प्रमुख प्रशासकीय अधिकृत थमनसिं थापाले जानकारी दिनुभयो । आर्थिक वर्ष को कार्यक्रम अन्र्तगत कृषि औजार वितरण गरिएको हो ।

Leave a Reply

Your email address will not be published. Required fields are marked *

Back to top button
error: Content is protected !!
Close