सुनको भाउले राख्यो नयाँ रेकर्ड


काठमाण्डाै – सुनको भाउले आज बुधबार नयाँ रेकर्ड बनाएको छ ।

सुनको भाउ आज एकैदिन तोलामा २२ सय रुपैयाँ बढेर तोलाको अहिलेसम्म कै महंगो तोलाको ८० हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ । यसअघि गएको फागुन १२ गते सुनको भाउ तोलाको ८० हजार ३ सय रुपैयाँमा कारोबार भएको थियो ।

गएको आइतबार एकैदिन तोलामा १२ सय रुपैयाँ घटेको सुनको भाउ सोमबार स्थिर रहँदै तोलाको ७८ हजार रुपैयाँमा कारोबार भएको थियो । मंगलबार तोलामा ३ सय रुपैयाँ बढेर सुन तोलाको ७८ हजार ३ सय रुपैयाँमा कारोबार भएको थियो ।

चाँदीको भाउ पनि तोलामा २० रुपैयाँ बढेर तोलाको ८ सय ८० रुपैयाँमा कारोबार भैरहेको छ । 

यो पनि पढ्नुहोस

कोरोना संक्रमणको जोखिम : थुप्रै औपचारिक कार्यक्रम स्थगित

काठमाण्डाै – कोरोना भाइरसको जोखिम बढेपछि धेरै औपचारिक कार्यक्रमहरु स्थगित हुन थालेका छन् ।

चीनवको वुहानबाट सुरु भएर ८० भन्दा धेरै देशमा फैलिएको कोरोना भाइरस नेपालमा पनि प्रवेश गरे अवस्था भयावह हुने भन्दै उच्च सतर्कता अपनाउन औपचारिक कार्यक्रम स्थगित गर्ने निर्णय भएको सरकारले जनाएको छ ।

संक्रमण विश्वरभर फैलिएसँगै नेपाल भ्रमणवर्ष २०२० लाई लक्षित गरी विदेशमा हुने पर्यटन प्रचारप्रसारका सबै कार्यक्रम स्थगित भएका छन् । विदेशमा हुने प्रचारप्रसारका काम स्थगित गरी आन्तरिक पर्यटन प्रवद्र्धनको काममा सरकार लाग्ने संस्कृति पर्यटन तथा नागरिक उड्डयनमन्त्री योगेककुमार भट्टराईको भनाइ छ ।

यस्तै सगरमाथा संवाद कार्यक्रम पनि स्थगित भएको छ ।

यस्तै सरकारले चीनसहित कोरोनो भाईरस फैलिएका देशहरु जापान, दक्षिण कोरिया, हङकङ र इरानबाट आउने यात्रुलाई रोक्न सुरु गरेको छ । संक्रमणको रोकथाम तथा नियन्त्रणका लागि सरकारले उपप्रधान एवं रक्षामन्त्री ईश्वर पोखरेलको संयोजकत्वमा उच्च स्तरिय समिति पनि समेत गरेको छ । नेपालमा कोरोना संक्रमणको त्रासकै कारण कक्षा १ देखि ९ सम्मका वार्षिक परीक्षा अघि सरेको छ । शिक्षा मन्त्रालयले सबै विद्यालयले चैत ५ गतेअघि नै परीक्षा सक्न निर्देशन दिएको छ ।

यसैगरी केही पालिकाले पनि आफ्ना औपचारिक कार्यक्रम स्थगित गर्ने निर्णय गरिसकेका छन् । सरकारले सभा, सम्मेलन, भोजभतेर, लगायत कार्यक्रम नगनर्ग पनि सबैसँग आग्रक गरेका छन् । आउँदो आइतबार परेको अन्तराष्ट्रिय नारी दिविसको अवसरमा हुने सबै कार्यक्रम स्थगित गर्ने सरकारले निर्णय गरेको छ ।

यसैबीच, सत्तारुढ नेपाल कम्युनिष्ट पार्टी नेकपाले ठूलो समूहमा आयोजना हुने आमसभा, भोला लगायत पार्टीका सबै औपचारिक कार्यक्रम स्थगित गरेको छ । फागुन पहिलो हप्तादेखि सुरु ‘पार्टी एकता सुदृढिकरण र जनसम्बन्ध विस्तार विशेष अभियान’ अन्तर्गतका प्रदेश भेला तथा प्रशिक्षणका कार्यक्रम अनिश्चितकालका लागि स्थगित गरिएको नेपालले जनाएको छ ।

यसैबीच, नजिकिँदै गरेको होली पर्वमा पानी छ्याप्ने, होली खेल्ने, भिडभाडमा रमाइलो गर्ने लगायत काम नगर्न डाक्टरले सुझाव दिएका छन् । सकेसम्म यो वर्षको होलीमा भिडभाडमा नै नजान डाक्टरको आग्रह छ । रुघाखोकी र ज्वारो  आएमा तत्काल अस्पताल जान तर नआत्तिन पनि डाक्टरको सुझाव छ । 

Leave a Reply

Your email address will not be published.

Back to top button