टर्कीमा ५.७ म्याग्निच्युडको भूकम्प : सात जनाको ज्यान गयाे


काठमाण्डौ- आइतबार बिहान टर्कीको सराएलाई केन्द्रविन्दु बनाएर गएको ५‍.७ म्याग्नीच्यूडको भूकम्पमा परि ७ जनाको ज्यान गएको छ । भूकम्पमा परेर ५  जना घाइते भएका छन् । अमेरिकी भौगर्भिक सर्भेले भूकम्पबारे जानकारी गराएको हो ।

भूकम्प जमिनको सतहबाट १० किलोमिटर गहिराईमा गएको थियो । भूकम्पबाट भएको धनमालको क्षतिको विवरण भने प्राप्त नभएको अधिकारीहरुले बताएका छन् ।

यो पनि पढ्नुहोस

डोटीको शिखर नगरपालिकामा ज्येष्ठ नागरिकलाई घरमै उपचार

डोटी – डोटीको शिखर नगरपालिकाले आफ्ना सबै वडामा रहेका ज्येष्ठ नागरिकलाइ निःशुल्क स्वास्थ्य सेवा दिने अभियान सञ्चालन गरेको छ ।

ज्येष्ठ नागरिकको सामान्य उपचारका लागि पनि सदरमुकाम धाउनुपर्ने बाध्यता घटाउने उद्देश्यले नगरपालिकाले निःशुल्क शिविर सञ्चालनमा ल्याएको  नगर प्रमुख सिताराम जोशीले बताउनुभयो ।

अभियान अन्तर्गत स्वास्थ्यकर्मीहरुको टोली अहिले घर घरमा गएर जेष्ठ नागरिकको स्वास्थ्य परीक्षण गरिरहेका शिखर नगरपालिका-२, कालागाडका स्थानीय चेतबहादुर बोगटीले बताउनुभयो ।  

नगरपालिकाले सञ्चालन गरेको शिविरमा ज्वरो, रुघखोकी, मधुमेह, पक्षाघात, हृदयाघात, मिर्गाैलालगायतकाे जाँच र  उपचार निःशुल्क हुने शिखर नगरपालिका स्वास्थ्य इकाइ प्रमुख हरिष शाहले बताउनुभयो ।

उहाँले भन्नुभयो, ‘निःशुल्क शिविरमा सबै बिरामीको परीक्षण गरिनेछ, जटिल खालको समस्या देखिए जिल्ला अस्पताल डोटीलगायत अन्य जिल्ला बाहिरका अस्पतालमा उपचारकालागि पठाइने छ ।’

Leave a Reply

Your email address will not be published.

Back to top button